काळाची हिशेबवही !
पत्रिका दाखवत ..विविध प्रकारच्या अंगठ्या
खडे ...माळा घालून स्वतःला सुरक्षित करतो
जमेल तसे प्रत्येक तीर्थस्थानाला भेटही देतो
मंदिर मस्जिद चर्च पुढे हळूच माथा झुकवतो
धर्मस्थळाच्या दानपेटीत पैसे देखील टाकतो
अभिमानाने मग स्वतःचीच पाठही थोपटतो
ही अशी सुरक्षा कवचे पांघरून निवांत झोपतो
अन मी निर्भय होतो माझ्या नित्य कर्मासाठी
दिवसभर मग मी माझ्या मनाचा राजा असतो
पैसा मिळवण्यासाठी मी वाट्टेल तसे धंदे करतो
अधिकार गाजवत सर्वांवर मी उन्मत्त जगतो
माझ्या कर्तुत्वाचे सगळीकडे गोडवे मीच गातो
स्वार्थाच्या आड येणाऱ्यांची विल्हेवाट लावतो
कुटील असे क्रूर डाव नेहमीच .. योजून ठेवतो
काळ माझा मात्र सगळे मूकपणे पाहत असतो
माझ्या नकळत तो माझा हिशोब नीटच ठेवतो
वेळ येताच तो आपला फासा नेमकाच टाकतो
मी तडफडतो ..चडफडतो..सगळ्या शक्तीनिशी
शेवटी असहाय अन हतबल होतो शरण जातो
वेळ गेलेली ..काळाचीही हिशोबवही भरलेली
....तुषार नातू !
पत्रिका दाखवत ..विविध प्रकारच्या अंगठ्या
खडे ...माळा घालून स्वतःला सुरक्षित करतो
जमेल तसे प्रत्येक तीर्थस्थानाला भेटही देतो
मंदिर मस्जिद चर्च पुढे हळूच माथा झुकवतो
धर्मस्थळाच्या दानपेटीत पैसे देखील टाकतो
अभिमानाने मग स्वतःचीच पाठही थोपटतो
ही अशी सुरक्षा कवचे पांघरून निवांत झोपतो
अन मी निर्भय होतो माझ्या नित्य कर्मासाठी
दिवसभर मग मी माझ्या मनाचा राजा असतो
पैसा मिळवण्यासाठी मी वाट्टेल तसे धंदे करतो
अधिकार गाजवत सर्वांवर मी उन्मत्त जगतो
माझ्या कर्तुत्वाचे सगळीकडे गोडवे मीच गातो
स्वार्थाच्या आड येणाऱ्यांची विल्हेवाट लावतो
कुटील असे क्रूर डाव नेहमीच .. योजून ठेवतो
काळ माझा मात्र सगळे मूकपणे पाहत असतो
माझ्या नकळत तो माझा हिशोब नीटच ठेवतो
वेळ येताच तो आपला फासा नेमकाच टाकतो
मी तडफडतो ..चडफडतो..सगळ्या शक्तीनिशी
शेवटी असहाय अन हतबल होतो शरण जातो
वेळ गेलेली ..काळाचीही हिशोबवही भरलेली
....तुषार नातू !
