निब्बरतेच थर !

निब्बरतेच थर !

मनावर व्यापलेला असा निब्बरतेचा थर
तरीही लागणारी नाविन्याची जुनी घरघर 
तोच तोच पणाचा कंटाळवाणेपणा वरवर 
मुळातूनच उमलणारी कोमलतेची थरथर 

जुने पुराणे संदर्भच नव्याने मन:पटलावर 
अशांतीची असमाधानाची अतृप्तीची लहर
कामनांचे थैमान बंधनांचा जीवघेणा कहर 
वंचित उपेक्षित भावनांना नेहमीचा बहर

...तुषार नातू !

मेंदूचा स्कॅन !

मेंदूचा स्कॅन !

एकदा मेंदूचा सविस्तर स्कॅन करून घ्यावा म्हणतो 
प्रत्येक घडीत काय काय दडलेय जाणून घेवून 
जमले तर बरेच काही बाही काढूनच टाकावे म्हणतो 
मग शांत निवांत बसावे मोकळे श्वास सोडून 

विचार केविलवाणे दीनवाणे डिलीट करावे म्हणतो 
लबाड लोचट विचारांना साऱ्या तिलांजली देवून 
चैतन्याचा प्रकाश अनुभवत जगेन मुक्त म्हणतो 
कुजलेल्या नासलेल्या भावनांना पळवून लावून


तुषार नातू !

नवा सूर्य !

नवा सूर्य !

अस्तित्वाच्या मुळातूनच तळपणारा जीवघेणा अंधार 
स्मृतींचा अधीरडोह निर्धाराला पडलेले कायमचे खिंडार 
व्याकूळ पाखरांचा फडफडाट असहाय वेदनांचा गंधार 
शक्यतांचे सूर्य मावळलेले कंगाल भावनांचे हे व्यापार 
असे अनाथ वाटले कोणाला जरी सारखे आणि वारंवार 
विश्वास असू दे मनी श्रद्धा बाळगाच हृदयात अपारंपार 
ठीकच होईल सगळेच स्वतःचा नवा सूर्य करा तयार 

...तुषार नातू !

मृत्यूची तंद्री !

मृत्यूची तंद्री !

एकाग्रतेने तंबाखू साफ करत चुन्याचे बोट लावून 
मिश्रण एकजीव केल्यावर हलकेच टाळी वाजवून 
चिमुट दाढेत सरकवताना धन्यतेच्या अविर्भावात 
दंगून तंबाखूच्या कडवट निकोटीनयुक्त स्वादात 
जिभेवर रेंगाळणारा चुन्याचा तो चरचरीत झटका 
लाळेत मिसळून दात हिरड्या यांना छान चटका 
मगच जीवनानंद लुटण्यास सज्ज झालेला जीव 
तंद्रीची अनुभूती अन इतरांच्या नजरेत मात्र किंव

पाकिटातून सराईतपणे नेहमीची सिगरेट काढत
मागच्या बाजूने तिला पाकिटावरच हळुवार ठोकत
ओठांच्या पकडीत मागच्या टोकाचा फिल्टर धरून
मग इकडेतिकडे जगजेत्याच्या अविर्भावात पाहून
आत्मविश्वासाच्या टोकावर जात काडी पेटवलेली
झुरका मारत सावकाश टिचकीने राख उडवलेली
फुफुसांच्या सच्छिद्रतेला बुजवत आलेली मग्नता
नाकातोंडातून धूर लोकांच्या नजरेत उद्विग्नता

दोस्तहो हा अनुभव हवाहवासा वाटेलच कदाचित
उत्सुकता ताणेल आपली सदासर्वदा न अवचित
सावध होऊन करा सर्वार्थाने आणि गंभीर विचार
तोंडात चट्टे पडून ओठ काळे त्रास होणारच अपार
स्वादांच्या पलीकडे जात चवींची येणारी निरसता
क्षय ..कर्करोग अपचन आम्लपित्ताची तत्परता
कणाकणाने विळखा घालणारा दयनीय करणारा
मृत्यू झिजवत येणारा वेदनांचा बाजार मांडणारा

...तुषार नातू !

माझा बाप !

लहानपणी माझा बाप मला सुपरमँन वाटायचा 
आईला जेव्हा ऑफिसमधल्या गोष्टी सांगायचा 
त्याचा बाणेदारपणाचा मला अभिमान वाटायचा 
पाकिटातले पैसे मोजताना तो कुबेर भासायचा 

मी शाळेत जाताना पाहून तो कौतुकाने हसायचा 
आमचा आभ्यास घेताना तर द्रौणाचार्य व्हायचा 
प्रगती पुस्तक पाहून आनंदाने जवळ घ्यायचा 
आमच्या भविष्यात रमून भूतकाळ आठवायचा

मी कॉलेजला असताना तो सुना सुना असायचा
वार्धक्याच्या खुणांनी जरासा थकलेला वाटायचा
खर्चाची तोंडमिळवणी करताना चिडका दिसायचा
मला तो तेव्हा कंजूष आणि कटकट्या वाटायचा

पुढे पुढे संसारात पडून तो जेरीस येवून हरलेला
पडक्या वाड्याच्या भिंती सारखा तटस्थ झालेला
आमच्या भविष्याबाबत तरीही चिंतीत असलेला
आईशी बोलताना चिडून कधी रुसलेला आंबलेला

शेवटच्या आजारपणात बाप पूर्ण हतबल झालेला
जीवनाचे सार समजून स्तब्धतेने समोरा गेलला
मृत्युच्या अनिवार्य शय्येवर ..धारातीर्थी पडलेला
डोळ्यात प्राण आणून निरोपासाठी व्याकूळलेला

तिरडीवर तो शांतपणे सार्थकतेने मूक पहुडलेला
आमच्या आक्रोशने जागा न होता डोळे मिटलेला
अग्निदिव्याला सामोरे जाण्यास सज्ज सजलेला
धुराच्या लोटात.. लवलवत्या ज्वाळात हरवलेला

..तुषार नातू !

पराभवाचे चिंतन ..खोटे आत्ममंथन

पराभवाचे चिंतन ..खोटे आत्ममंथन 

मतपेटीतून व्यक्त झाला आक्रोश जनतेचा 
मंथन सुरु झाले चोरांचे वेध घेवू पराभवाचा 

नैतिकतेचा आव आणून नितीश बसले घरी 
जनता भ्रमित झाली या उलट्या बोंबा मारी 

गंजलेल्या सेक्युलरीझमला आणू झळाळी 
पुढच्या वेळी पुन्हा मग भाजू आपली पोळी 

नेहमीप्रमाणे मायावतींनी कागदच वाचला
धर्मांधतेवर दोष टाकत जातीयवाद जपला

सोनियाचा भाव पडला राहुलही गेला रद्दीत
प्रियांकाला पुढे करा जगूया नव्या लाचारीत

मोदी लहर की जनतेचा रोष कळेना कुणाला
महागाई बेरोजगार अन भ्रष्टाचार वैरी झाला

अहंकार नडलाय झाला पराभव उन्मत्तांचा
नैतिकतेचा आव नको विचार करा जनतेचा

..तुषार नातू !

एग्जीट पोल ???

पंजा हो सकता है गंजा
मोदी ने लाया गुजराती मांजा 

सायकिल की सवारी जनता ने नाकारी 
मोदी विकासयात्रा में युपी की भीड भारी 

हाथी की पड गई धीमी चाल बहेना है बेहाल 
मोदी की चालाकीने सबका किया बुरा हाल 

नितीश को मतदाता ने जगह उसकी दिखाई है
गठबंधन को तोड के अपने पैरो पे कुल्हाड़ी मारी है

अम्मा ने बचाई अपनी लाज तामिलनाडू में है आगे
मोदी आये या और कोई अम्माको देख दुश्मन सारे भागे

ममता के सादगी का चक्कर घुसपेठियों का है उनको साथ
कोई लाख कोशिश करे भला ममता नहीं होगी कभी अनाथ

घडी ने हर जगह में भ्रष्टाचार किया अब हो गई है मालामाल
चाचा भतीजे के काले जादू को जनताने किया है अब खस्ताहाल

आप का बड़ा पाप देहली का विश्वासघात नैतिकता के सपने देकर
केजरीवाल का बवाल हवा हो गया मोदी से भिड़े अपनी औकात भूलकर

...तुषार नातू !

पक्का समाजवादी !

मी पक्का समाजवादी आहे याबाबत संशयच नको 
बंगल्याची प्रत्येक वीट मी समाजवादावर भाजलीय 
सिमेंट देखील मी समाजाच्याच पैशाने घेतलेय की
आणी हो ..बंगल्याची जागा आणि फार्महाउस सुद्धा 
समाजा कडूनच घेतलेय हट्टाने त्यासाठी भले मला 
कागदपत्रे बदलावी लागली ..मात्र समाजवाद हवाच 

आपला परका असा भेद न करता मी मुलांना पण 
परदेशात शिकायला ठेवले होते .इतकेच नव्हे तर
बंगल्यावरची कुत्री सुद्धा भेदभाव करता .परदेशीच
येता जाता समाजवाद उगाळून ..अंगी भिनवलाय
माझी सारी सत्ता याच समाजवादावर मिळवलीय
मुले बाळे याच समाजवादावर मोठी होणार आहेत

समाजवादी म्हणजे काय तर अगदी सोपे आहे हो
समाजातल्या प्रत्येक व्यक्तीला मी तुझा आहे हे
भासवायचे ..जमेल त्याला नडायचे जमले नाही
तर त्याला कम्युनल ठरवायचे मंदिरापेक्षा जास्त
वेळा मशिदीत जायचे बहुधा गोल टोपी घालायची
विरोधकांना जातीयवादी म्हणायचे ..बस इतकेच

...तुषार नातू !

मनाचा दगड !

मनाचा दगड !

मनाला दगड कर हवे तर ..सगळ्या संवेदना गोठव 
हृदयात खोल भिनलेला .....हिरवा ओलावा आटव
हे असेच जगायचे असते ...हाच संदेश आता पाठव 

पुढे पुढे जात राहायचे .. क्षणाला नव्याने भिडायचे 
आतून कितीही तुटले ...तरी कणाकणाने जोडायचे 
सवय होईल तुलाही मग ...उगा का उसवत जायचे 

जीर्ण शीर्ण स्मृतींचे आता ..एक थडगे बांधायला घे
वर वास्तवाची चादर टाकून ..ते छान सजवायला घे
विस्मृतीचे रोपटे लावून ..ते झाड मोठे करायला घे

...तुषार नातू !

क्षण सोनेरी !

क्षण सोनेरी !

तिला विसरायचे म्हणत..मनाचा कानाकोपरा धुंडाळला 
सारा पसारा काढून मग ...पुन्हा तो आवरायला घेतला 
चुकार काही सोनेरी क्षण ...चिकटलेलेच राहिले मनाला
त्यांचाच आहे दोष सारा ...बिघडला तेथेच सर्व मामला 

तिच्या खळाळत्या हास्याने..चकोर जेव्हा मन झालेले 
निशब्दतेचे शब्दगंध ते ....मनात माझ्या दरवळलेले 
आर्त नजरेचे तिचे इशारे ..मनात खोल तेव्हा रुजलेले 
क्षण सोनेरी तेव्हाचे ते .. राहिले तसेच मनी थिजलेले

.....तुषार !

हिम्मत त्याची गम्मत !

हिम्मत त्याची गम्मत !

तो माझा खाजगी मामला आहे असे म्हणत 
मी माझ्यात सगळी श्वापदे पाळली आहेत 
ती नेमकी शिकार करतात माझ्या शत्रूंची 
त्यांच्या भावनांचे जाहीर लचके तोडतात
जमेल तेव्हा वाभाडे काढतात सर्वांचेच 
माझ्या बाबतीत सौजन्याने वागावे 
मला जरा समजून घ्यावे वगैरे
म्हणत मी सौजन्य शिकवतो 
डोळे मिटून दुध पीत रहातो
हिम्मत त्याची गम्मत
हम करे सो कायदा
सगळाच फायदा

तुषार नातू !

सुखाच्या शोधात

सुखाच्या शोधात मी खूप भटकलो 
फसलो , हसलो ,रुसलो भरकटलो 
कधी धास्तावलो , बहुधा पस्तावलो 
मुखवटे घालून फिरलो न मिरवलो 

चटावलो , भुललो , आतून हललो 
इतरांच्या व्यथेलाच कारण बनलो 
समर्थनाच्या आड नेहमीच लपलो 
दोषारोप करत अनेकांना दुरावलो

माझे ...मला.. म्हणत सुखावलो
त्याचे ...त्याला.. करत डोकावलो
स्वताच्या विचारांवरच विश्वासलो
हरलो ..रडलो ..अनेकदा गुदमरलो

शेवटी मी माझ्याच आत शिरलो
चकित झालो ..अंधारात सापडलो
खोल खोल आत ..धैर्याने घुसलो
स्वतःला सापडलो तेव्हा आनंदलो !

...तुषार नातू !