टेन्शन ....टेन्शन...म्हणजे.. आहे तरी काय ?
समस्यांचा बागुलबुवा की वास्तवाला
फुटलेले कल्पनांचे पाय ....
विचारांचा गुंता ...भावनांची सरमिसळ
क्षमतांचा पोबारा की भीतीचा गुब्बारा
शक्कर कम कडक चाय ....
परिस्थितीचा पेच..हो ..नाही.. ची रस्सीखेच
तळ्यात...मळ्यात ..चिंतेच्या जाळ्यात
गार चहावरची नकोशी साय ....
पायाखालची सरकती वाळू ..ठसठसते गळू
संकटांचा मारा की बिनमौसमी गारा
व्याकूळ हंबरणारी गाय ......
टेन्शनचा निचरा ..काढून टाका मनीचा कचरा
दीर्घ श्वास घेवून ..दम धरा जरा
विश्वास जर तुमचा ठाम हाय ....
जिवनाची हीच मजा ..मीठा विना जेवण सजा
बुद्धीची कसोटी ...श्रमांची हातोटी
टेन्शनचे हो विशेष काय ?
हातपाय कामाला लावा ...श्रद्धा मनी ठेवा
विचार कमी ...काम जास्त
मगच टेन्शन पळून जाय !
.....तुषार नातू !( २९ जाने .२०१४ )
कोणत्याही टिप्पण्या नाहीत:
टिप्पणी पोस्ट करा