तथाकथित सेक्युलर नेत्यांचे विषारी फुत्कार
त्यांच्या गुंड चेल्यांचे विकृत उन्मादी चित्कार
जागोजागी नाक्यानाक्यावर नोटांचेच सत्कार
सर्वासामान्यांच्या नशिबी तर नेहमीचे धुत्कार
टगे ..भ्रष्टाचारी ...बाहुबलींचाही जयजयकार
गुंड ..स्मगलर ..जमीन माफियाही चालणार
धार्मिकतेचे चोचले म्हणे देश खड्ड्यात नेणार
धर्म बुडवा..देश वाचवा हाच नारा आम्ही देणार
खाजगीत मात्र जाती पातींचे हिशोब करणार
धार्मिक गणितेही तेव्हाच हिरीरीने मांडणार
घरी आरती करून नंतर गोल टोपी घालणार
निवडणुकीनंतर काही तर हा देशही सोडणार
मंदिर मशिदीतला धर्म चव्हाट्यावर आलाय
धार्मिकतेचा कढ येवून देशही उकळू लागलाय
स्विस बँकेतला आपला पैसाही संपत आलाय
अभी नही तो कभी नही.जीव पणाला लागलाय
...तुषार नातू !
कोणत्याही टिप्पण्या नाहीत:
टिप्पणी पोस्ट करा