शिकारी सज्ज झालेत !

शिकारी सज्ज झालेत 
मतांची पाखरे जाळ्यात अडकवायला 
आश्वासनांचा भुलभुलैया
समृद्धीच्या स्वप्नात आम्हां रमवायला 

शर्टच्या बाह्या सरसावून 
बलिदानांचे गोडवे गाऊन चकवायला
रोजगार हमीचा नरेगा 
RTI चे उसने पक्वान्न ताटात द्यायला

तोंडात सोन्याचा चमचा
पायाशी लोचट कुत्र्यांचा लाचार गोतावळा
उपाशी कुपोषित पोटांना
पुन्हा पाच वर्षे ओलीस म्हणून बांधायला

FDI ची परकीय सत्ता
अन्न सुरक्षा बिल स्वत:ची पाठ थोपटायला
आम आदमीच्या गोष्टी
स्विस बँकेत करोडोंची माया जमवायला

2G..कोलगेटला बगल
लोकपाल विधेयक कायमचे संपवायला
सर्वधर्म समभाव
आरक्षणाचे तुकडे जनतेत स्वैर फेकायला

--------तुषार नातू !