गुलाम

स्वतःला मी रोज ...आठवण करून देतो 
मी गुलाम आहे ....असे सारखे बजावतो 

मग मी सलाम .....करायला तयार होतो 
सगळीकडे सर्वदा.. मान झुकवून बोलतो 

विद्रोहाच्या बाता करताना.. सावध राहतो 
कोणी ऐकत नाही याची खात्री करून घेतो 

मनातील एके ४७, RDXचे साठे तपासतो 
एकदाच स्फोट करीन म्हणत झोपी जातो

सकाळी पुन्हा..... घाण्याला जुंपून घेतो
पोरांचे भविष्य म्हणत... बुद्धिभेद करतो

क्रांतीचे गीत गात .....लाचारीने जगतो
स्वतची पाठ थोपटूत...साफल्य शोधतो

.......तुषार नातू !