' सच आॅन करो '

' सच आॅन करो '

' सच को आॅन करो ' ..सच को वोट दो....असे सांगत 
त्यांनी मला सगळी ' सत्ये ' शोधण्यास ..भाग पाडले 

मी स्वातंत्र्यसंग्रामा पासूनच्या घटना वेचत राहिलो 
सत्य शोधत गेलो तसा अधिक स्फोटक बनत गेलो 
फाळणीनंतरचे रक्तलांच्छित सत्य शोधून गहिवरलो 
पाकिस्तानच्या जन्माचे सत्य पाहून मनोमन पेटलो 

चाचाजींचे गुलाब फुल सत्याला पडलेली गोड भूल
शास्त्रीजींच्या मृत्यूचे रहस्य ...मनामनातील शूल
तेव्हापासूनच सर्वधर्म समभावाचे हे लाडके कोकरू
गरिबी हटाओ म्हणत हंबरणारे गोंडस गाय -वासरू

आणीबाणीचे क्रूर अस्त्र ..लोकशाहीचे फेडलेले वस्त्र
सत्तेचे कुटील डावपेच न सत्याला लागलेली ठेच
बोफोर्स तोफांचा स्फोट ..सत्याचा झालेला विस्कोट
पंचाहत्तर वर्षे सत्य गहाण ..खुर्चीची अखंड तहान

सत्य कोळशात बरबटलेले..मंत्रालयात जाळलेले
साखर कारखान्यात लपलेले ..धरणात मुतलेले
चारा खाण्यात गुंतलेले सत्तेसाठी लाचार झालेले
समाजवादाने घेरलेले ..गुंडगिरीने घाबरून गेलेले

अण्णांच्या आंदोलनात जमलेले नंतर गांगरलेले
स्विस बँकेत दडलेले ...जावयाच्या घरी धाडलेले
रामदेवबाबांवर सोडलेले ..मध्यरात्री हल्ला केलेले
सत्य असत्याला घाबरलेले बिचारे आता अर्धमेले

.....तुषार नातू !