राहूनच गेले....!

राहूनच गेले ...डोळ्यात रोखून पाहून 
' कशी आहेस ' असे हळुवार विचारणे 
तुझा आनंदाचा बुरखा उचलून पहाणे 

राहूनच गेले...तुझी क्षमायाचना करून 
तुला सोनेरी भूतकाळाची आठवण देणे 
थरथरत्या पापण्या डोळे भरून पहाणे 

राहूनच गेले माझी तडफड तुला सांगून
व्याकुळता भेटीची तुझ्यापर्यंत पोचवणे
तुझ्या मनी आठवणींचे मोहोळ उठवणे

राहूनच गेले ...
राहूनच गेले मनातून तुझे नाव पुसून
हृदयातील कप्पा कायमचा बंद करणे
झाले गेले गंगेला म्हणत तटस्थ होणे

....तुषार नातू ! ( ४ फेब्रु २०१४ )