नाक्यावरचा चहावाला ...सध्या भलताच फार्मात आलाय
चेहऱ्यावर मार्दव आणि ...बोलण्यात साखर पेरू लागलाय
कडक चहा प्रमाणे टीका करत ...भलताच तल्लख झालाय
पंचतारांकित संस्कृतीतील पप्पुही ...आताशा बावचळलाय
' मै नही हम ' म्हणत .....पायी फिरून युवराज दमलाय
राज्याभिषेकाची स्वप्ने बाळगून...... मनोमनी हरखलाय
गुंडांचा बादशहा कधीचाच ...तिसरा मोर्चा खोलून बसलाय
हत्तीला गोंजारून .. विळा हातोड्याला धार लावून थकलाय
निधर्मीवादाचा झेंडा घेवून ...सायकल वरून पळत सुटलाय
कृषी प्रदर्शनाने धन्य होऊन... साहेबही मैदानात उतरलाय
जोडतोडीचा सम्राट पुन्हा...तिजोरी उघडून सज्ज झालाय
आता डाव जमायलाच हवा म्हणूत.. मेंदू पणाला लावलाय
मफलर टोपी घालून.. ' आम आदमी ' मात्र नडून राहिलाय
मोठ्या मोठ्या धेंडाना धूळ चाखायची ..हूल देवून चुकलाय
त्रिशंकू लोकसभेला आमंत्रण देवून ...आरोप करत सूटलाय
......तुषार नातू !
कोणत्याही टिप्पण्या नाहीत:
टिप्पणी पोस्ट करा