मिळेल तेथून मिळेल तेव्हा
काही बाही खातच जावे
मागून खावे ...चोरून खावे
अगदीच नाही तर ..ओरबाडून घ्यावे
पण मिळेल तेथून मिळेल तेव्हा ...........!
लाचार व्हावे ... पाय धरावे
नाहीच जमले तर पाय ओढावे
उताणे पडावे ....उरावर बसावे
कमरेच्या लंगोटीलाही झटावे
पण मिळेल तेथून...........!
उघडकीस आले तर
समाजबांधवांचे मेळे भरवावे
अन्याय म्हणत बोंबलावे
कट झालाय असे सांगावे
पण मिळेल तेथून ..........!
काही दिवस जेल मध्ये जावे
राजेशाही थाटात आराम करावा
चौकशी यंत्रणांना पैसे चारावे
न्यायालयात निर्दोष व्हावे
पण मिळेल तेथून ...
...तुषार नातू !
कोणत्याही टिप्पण्या नाहीत:
टिप्पणी पोस्ट करा