सिमेंटच्या जंगलात .पडणार अश्रूंचाच पाऊस
मातीच्या गंधाला तरी ..नको रे पारखा होवूस
तृष्णेचा आकांत बैचैन मनाचे शुष्क आभाळ
वनराईंचा कत्तलखाना हिरवाईचा कर्दनकाळ
निसर्गाचा आक्रोश तरी नको कानाआड करूस
मनाचा ओलाव्याला ..नको तिलांजली देवूस
वरुणराजा तुला साकडे नको रे असा रागावूस
लेकरू चुकले म्हणून .तुझा धर्म नको सोडूस
कुठे जावे आम्ही ..कसा विझेल पोटाचा जाळ
कोरड्या मातीत कसा रुतेल विकासाचा फाळ
अपराध आमचे माफ कर ..नको दुरावा ठेवुस
माणूस चुकला म्हणून तू नको रे सूड घेवूस
...तुषार नातू !
कोणत्याही टिप्पण्या नाहीत:
टिप्पणी पोस्ट करा