शुक्रवार, ८ ऑगस्ट, २०१४

तू कधी आरक्षण मागू नकोस !


बेटा ..काही फरक पडणार नाही
तू उगाचच असा बिथरू नकोस
शुद्ध गुणवत्तेला पर्याय नसतो
सत्य तू कधीच विसरू नकोस
कुबड्यांची स्वप्ने पाहू नकोस
राजकारणाला बळी पडू नकोस

तू कधी आरक्षण मागू नकोस

तू आरक्षित आहे मानव म्हणून
सर्व इतर प्राण्यात श्रेष्ठ म्हणून
बुद्धी , हातपाय हे वरदान म्हणून
विवेक तुझा कधी गमावू नकोस
नोकरीचीही चिंता तू करू नकोस
हिरा आहेस खाणीत लपू नकोस

तू कधी आरक्षण मागू नकोस

तुलना करून निराश होऊ नकोस
अन्याय म्हणूनही बोंबलू नकोस
भविष्याच्या चिंतेने कोकलू नको
श्रम , प्रामाणिकता सोडू नकोस
चिकाटी .,सातत्य त्यागू नकोस
समतेचा पाणउतारा करू नकोस

तू कधी आरक्षण मागू नकोस !

..तुषार नातू !

कोणत्याही टिप्पण्‍या नाहीत:

टिप्पणी पोस्ट करा