त्याचे आणि माझे वैर तसे जुने
तो उर्मट तिरसट विक्षिप्त
मी लाघवी पेमळ स्नेहाचे गाणे
तो अहंकारी भोगात लिप्त
माझे मवाळ विश्वशांतीचे तराणे
तो प्रेम दये पासून अलिप्त
माझ्या मनी सदा करुणेचे बहरणे
खुन्नस इर्षा .त्याचे आप्त
माझ्यातच दडलेले त्याचे गाऱ्हाणे
युध्द आमचे आहे नेमस्त
जिंकणार तोच असे त्याचे म्हणणे
त्याला हरवणे क्रमप्राप्त
...तुषार नातू !
कोणत्याही टिप्पण्या नाहीत:
टिप्पणी पोस्ट करा