मुक्या भावनांचा गहिवर ....कधी कधी ..शब्दही रुसतात
मग मनाचे मळभ अनावर ...शब्द मात्र ..लपून बसतात
सगळा गुंताडा..नात्यांचा ..बंधनांचा..शब्द छळत जातात
शपथा वचने व्याकूळ आर्तता ..शब्द वाकुल्या दाखवतात
मनाचा आरसा तडकून ..शब्द मनाशी लपंडाव खेळतात
शब्द सोनेरी .शब्द दुहेरी ..शब्द काटेरी ...शब्द भांबावतात
शब्दच शत्रू ..शब्दच वैरी ..शब्दच मनाला निशब्द करतात
....तुषार नातू !
कोणत्याही टिप्पण्या नाहीत:
टिप्पणी पोस्ट करा